ತಾಲ್ಲೂಕಿನ ಕೋವೇರಹಟ್ಟಿಗ್ರಾಮದ ನಿವೃತ್ತಶಿಕ್ಷಕರಾದ ಟಿ.ತಿಮ್ಮಯ್ಯರವರ ಅಳಿಯ ಕೃಷಿಕ ಎಲ್.ಶಿವಣ್ಣ ನಿಧನ “ಹಿರಿಯೂರುನ್ಯೂಸ್” ನಿಂದ ಭಾವಪೂರ್ಣಶ್ರದ್ಧಾಂಜಲಿ

ಹಿರಿಯೂರು :

ತಾಲ್ಲೂಕಿನ ಕೋವೇರಹಟ್ಟಿ ಗ್ರಾಮದ ನಿವೃತ್ತ ಶಿಕ್ಷಕರಾದ ಟಿ.ತಿಮ್ಮಯ್ಯರವರು  ಅಳಿಯ ಹಾಗೂ ಶ್ರೀಮತಿ ಸುಜಾತರವರ ಪತಿ ಕೃಷಿಕ ಎಲ್.ಶಿವಣ್ಣ(65) ರವರು ಶನಿವಾರದಂದು ಹೃದಯಾಘಾತದಿಂದ ಕೋವೇರಹಟ್ಟಿ ಗ್ರಾಮದಲ್ಲಿ ನಿಧನರಾಗಿದ್ದಾರೆ.

ಶುಕ್ರವಾರ ರಾತ್ರಿ ಊಟ ಮಾಡಿ, ಮನೆಯಲ್ಲಿ ಆರಾಮವಾಗಿ ಎಂದಿನಂತೆ ಮಲಗಿದ ಅವರು ಶನಿವಾರ ಬೆಳಗ್ಗೆ 6-30 ಗಂಟೆಯಾದರೂ ಏಳದೇ ಇದ್ದಾಗ ಹತ್ತಿರ ಹೋಗಿ ನೋಡಿದಾಗ ಅವರು ಮಲಗಿದ್ದಲ್ಲಿಯೇ ಹೃದಯಾಘಾತದಿಂದ ಪ್ರಾಣ ಹೋಗಿದೆ ಎಂಬುದಾಗಿ ತಿಳಿದು ಬಂದಿದೆ.

ಮೃತರು ಪತ್ನಿ, ಪುತ್ರ, ಮೂವರು ಪುತ್ರಿಯರು ಹಾಗೂ ಬಂಧುಗಳನ್ನು ಅಗಲಿದ್ದಾರೆ. ಶನಿವಾರದಂದು ಸಂಜೆ 5ಗಂಟೆಗೆ ಕೋವೆರಹಟ್ಟಿ ಗ್ರಾಮದ ಅವರ ಸ್ವಂತ ಜಮೀನಿನಲ್ಲಿ ಮೃತರ ಅಂತ್ಯಕ್ರಿಯೆ ನಡೆಸಲಾಯಿತು ಎಂಬುದಾಗಿ ಕುಟುಂಬದ ಮೂಲಗಳು ಮಾಧ್ಯಮಗಳಿಗೆ ಮಾಹಿತಿ ನೀಡಿವೆ. 

ಕೃಷಿಕ ಎಲ್.ಶಿವಣ್ಣರವರ ನಿಧನದ ದುಃಖವನ್ನು ಭರಿಸುವ ಶಕ್ತಿಯನ್ನುಅವರ ಕುಟುಂಬ ವರ್ಗದವರಿಗೆ ಆಭಗವಂತನು ದಯಪಾಲಿಸಲಿ ಎಂಬುದಾಗಿ “ಹಿರಿಯೂರುನ್ಯೂಸ್” ತಂಡದ ಮುಖ್ಯಸ್ಥರು ಹಾಗೂ ಕರ್ನಾಟಕ ಮಾಧ್ಯಮಅಕಾಡೆಮಿ ಪ್ರಶಸ್ತಿ ಪುರಸ್ಕೃತ ಪತ್ರಕರ್ತರಾದ  ಆಲೂರುಹನುಮಂತರಾಯಪ್ಪರವರು   ಹಾಗೂ ಹಿರಿಯ ಪತ್ರಕರ್ತರುಗಳಾದ ಪಿ.ಆರ್.ಸತೀಶ್ ಬಾಬು, ಗೋಸಿಕೆರೆರಂಗನಾಥ್, ಕೇಶವಮೂರ್ತಿ, ಶ್ರೀಪಾದ್ ವಸಿಷ್ಠ, ಶಿವರಾಜ್ ನಾಯಕ್, ಉಮೇಶ್ ಯಾದವ್,  ಪರಮೇಶ್ವರಪ್ಪ, ಇರ್ಫಾನ್ ವುಲ್ಲಾ, ಹಿದಾಯತ್ ವುಲ್ಲಾ, ಇವರುಗಳು ಭಾವಪೂರ್ಣ ಶ್ರದ್ಧಾಂಜಲಿ ಸಲ್ಲಿಸಿದ್ದಾರೆ.

About The Author