ಆರ್ಯವೈಶ್ಯ ಸಮುದಾಯದ ಅಂಗ ಸಂಸ್ಥೆಯಾದ ವಿದ್ಯಾಸಂಸ್ಥೆಗಳಒಕ್ಕೂಟಕ್ಕೆ ಹಾಗೂಅಭಿವೃದ್ಧಿಯ ಕಾರ್ಯಗಳಿಗೆ ಹೆಚ್ಚಿನ ಪ್ರೋತ್ಸಾಹ ನೀಡಲಾಗುತ್ತಿದೆ ಆರ್ಯವೈಶ್ಯ ಮಹಾಸಭಾರಾಜ್ಯಾಧ್ಯಕ್ಷ ರವಿಶಂಕರ್

ಹಿರಿಯೂರು:

ಆರ್ಯವೈಶ್ಯ ಸಮುದಾಯದ ಅಂಗ ಸಂಸ್ಥೆಯಾದ  ವಿದ್ಯಾಸಂಸ್ಥೆಗಳ ಒಕ್ಕೂಟಕ್ಕೆ  ಹಾಗೂ ಅಭಿವೃದ್ಧಿ ಕಾರ್ಯಗಳಿಗೆ ಹೆಚ್ಚಿನ ಪ್ರೋತ್ಸಾಹ ನೀಡಲಾಗುತ್ತಿದೆ ಎಂಬುದಾಗಿ  ಆರ್ಯವೈಶ್ಯ ಮಹಾಸಭಾ ರಾಜ್ಯಾಧ್ಯಕ್ಷರಾದ ಆರ್.ಪಿ.ರವಿಶಂಕರ್  ಅವರು ಹೇಳಿದರು.

ನಗರದ  ವಾಸವಿ ಪಬ್ಲಿಕ್  ಶಾಲೆ ಸಭಾಂಗಣದಲ್ಲಿ   ಹಮ್ಮಿಕೊಳ್ಳಲಾಗಿದ್ದ ಕರ್ನಾಟಕ ಆರ್ಯವೈಶ್ಯ  ವಿದ್ಯಾಸಂಸ್ಥೆಗಳ  ಒಕ್ಕೂಟದಿಂದ  ವಿದ್ಯಾಸಂಸ್ಥೆಗಳ ಆಡಳಿತ ಮಂಡಳಿ ಮತ್ತು ಶಿಕ್ಷಕರಿಗೆ ಶೈಕ್ಷಣಿಕ ಕಾರ್ಯಾಗಾರದಲ್ಲಿ ಪಾಲ್ಗೊಂಡು ಅವರು ಮಾತನಾಡಿದರು.

ಮಹಾಸಭಾ ಸಮಾಜದಲ್ಲಿ  ಹಿಂದುಳಿದವರಿಗೆ  ದಾನ ಮಾಡುತ್ತಾ  ಸಂಸ್ಕಾರ ಹಾಗೂ ಧರ್ಮಾಚರಣೆ, ಸಮಾಜ ಸೇವೆಯಲ್ಲಿ ತೊಡಗಿಸಿಕೊಂಡಿದೆ. ಸಮಾಜದ ಮಕ್ಕಳಿಗೆ ಉತ್ತಮ ಶಿಕ್ಷಣ ನೀಡುವ ಸದುದ್ದೇಶ ಹೊಂದಿದೆ.ಎಂದರಲ್ಲದೆ,

ಅದಕ್ಕಾಗಿ ಯಾವುದೇ ಫಲಾಪೇಕ್ಷೆ  ಇಲ್ಲದೆ ಸೇವಾ ಮನೋಭಾವದಿಂದ  ರಾಜ್ಯದಲ್ಲಿ ಹಲವಾರು  ಶಿಕ್ಷಣ ಸಂಸ್ಥೆಗಳನ್ನು ಸ್ಥಾಪಿಸಿ ಶೈಕ್ಷಣಿಕ ಸೇವೆಗೆ ಮುಂದಾಗಿದೆ ಎಂಬುದಾಗಿ ಅವರು ಹೇಳಿದರು.

ಶಿಕ್ಷಣ ತಜ್ಞರಾದ  ಮಹೇಶ್ ಅವರು ಮಾತನಾಡಿ ಶಿಕ್ಷಣ ಕ್ಷೇತ್ರದಲ್ಲಿ ಬದಲಾವಣೆಯಾಗುತ್ತಿದ್ದು, ಅದಕ್ಕೆ ತಕ್ಕಂತೆ ಶಿಕ್ಷಕರು ಬದಲಾಗಬೇಕು. ಕಲಿಕಾ ಉಪಕರಣ. ಹೊಸತಂತ್ರಜ್ಞಾನದ ಬಳಕೆ ಅನಿವಾರ್ಯವಾಗಿದೆ. ಎಂದರಲ್ಲದೆ,

ಇಂದಿನ  ಮಕ್ಕಳ ಮನಸ್ಥಿತಿಗೆ ಅನುಗುಣವಾಗಿ  ಬೋಧನೆ ಮಾಡುವುದನ್ನು ರೂಢಿಸಿಕೋಳ್ಳಬೇಕು. ಆಡಳಿತ ಮಂಡಳಿ ಶಿಕ್ಷಕರಿಗೆ  ಹಾಗೂ ವಿದ್ಯಾರ್ಥಿಗಳಿಗೆ  ಉತ್ತಮ  ಸೌಲಭ್ಯ ಹಾಗೂ ಕಲಿಕಾ  ವಾತಾವರಣ ಕಲ್ಪಿಸಬೇಕು ಎಂಬುದಾಗಿ ಅವರು ಹೇಳಿದರು.

ಈ ಕಾರ್ಯಕ್ರಮವನ್ನು ಕರ್ನಾಟಕ ರಾಜ್ಯ ಆರ್ಯವೈಶ್ಯ ವಿದ್ಯಾಸಂಸ್ಥೆ ಒಕ್ಕೂಟದಅಧ್ಯಕ್ಷರಾದ ಕೆ.ವಿ.ಅಮರೇಶ್  ಅವರು ಉದ್ಘಾಟಿಸಿದರು.  ಈ ಕಾರ್ಯಗಾರದಲ್ಲಿ  ರಾಜ್ಯ ಆರ್ಯವೈಶ್ಯ ಮಹಾಸಭಾ  ಕಾರ್ಯನಿರ್ವಾಹಕ ವರದರಾಜ್, ಉಪಾಧ್ಯಕ್ಷರಾದ ದೊಡ್ಡಯ್ಯ, ಹಿರಿಯೂರು ಆರ್ಯವೈಶ್ಯ  ಮಹಾಸಭಾದ ಅಧ್ಯಕ್ಷರಾದ ಕೆ.ವಿ.ಸತ್ಯನಾರಾಯಣಶೆಟ್ಟಿ,  ಬಾಣಾವರದ ಶ್ರೀಕಾಂತ್, ಎಮ್ಮಿಗನೂರಿನ ಜಡೇಜಾ, ಕೆ.ಜಿ.ಶ್ರೀಧರ್,  ಆರ್.ಪ್ರಕಾಶ್ ಕುಮಾರ್, ಪಿ.ವಿ.ನಾಗರಾಜ್ ಹಾಗೂ ರಾಜ್ಯದ 30ವಿದ್ಯಾಸಂಸ್ಥೆಗಳ ನೂರಕ್ಕೂ ಹೆಚ್ಚು ಆಡಳಿತ ಮಂಡಳಿ ಅಧ್ಯಕ್ಷರು, ಸದಸ್ಯರು, ಶಿಕ್ಷಕರು ಉಪಸ್ಥಿತರಿದ್ದರು.

About The Author